Shikon një burrë që godet një grua në rrugë…filmon me celular e ia dërgon JOQ: Ja ç’bëhet!
Sheh një qen që masakrohet nga një tufë femij ësh…filmon me celular ia dërgon JOQ: Ja ç’bëhet!
Një i moshuar bie pa ndjenja në tokë…filmon me celular ia dërgon JOQ: S’e ndihmon njeri, ambulanca nuk vjen!
Policia hedh përtokë sallatat që shet një nënë në trotuar…filmon me celular ia dërgon JOQ: Nuk bëhet ky vend!
Një makinë ecën me derën e pambyllur mirë…filmon me celular dhe ia dërgon JOQ: Kanë shkarë njerëzit!
Po mjaft o ferraxhi, o anonims, o fletrrufesh, mjaft! Mjaft o njeriu i ri! Guxo njëherë të paktën. Lerja në dorë shokut të tavolinës celularin të filmojë ai, dhe shko kape për gryke atë burrin që godet gruan; shko zëri me pellëmba ata kalamajtë që keqtrajtojnë qenin; shko jepi ndihmë atij të moshuarit; mos e lejo atë pisin polic t’ja hedhë lakrat asaj nënës; nxito e lajmëroje atë makinën ta mbyllë derën…
Që mos të shkruash “ja ç’bëhet, anonim të lutem” si fuks i vogël, por “ja ç’bëra” si shembull i madh. Ndrysho vetë i pari, pastaj kërko ndryshimin tek të tjerët.
Dil nga ferra.
J.GJ./ReportTv.alKomente
Te lumte bravo !
Përgjigju